Khutbah Jumat Bahasa Sunda: Cara Ngabedakeun Hate Nu Sehat, Gering, jeung Paeh 

Mengidentifikasi penyakit hati tak semudah mengidentifikasi penyakit jasmani. Setelah mampu membedakan mana hati yang sehat, sakit, dan mati. Diharapkan kita bisa memiliki hati yang sehat agar bisa selamat di dunia maupun akhirat.

Teks khutbah Bahasa Sunda berikut ini berjudul “Cara Ngabedakeun Hate Nu Sehat, Gering, Sareng Paeh”. Untuk mencetak naskah khutbah ini, silakan klik ikon print berwarna merah di atas atau bawah artikel ini (pada tampilan desktop). Semoga bermanfaat! (Redaksi)

Khutbah I

الْحَمْدُ لِلّٰهِ الْمُنْعِمِ عَلَى مَنْ أَطَاعَهُ وَاتَّبَعَ رِضَاهُ، الْمُنْتَقِمِ مِمَّنْ خَالَفَهُ وَعَصَاهُ، الَّذِى يَعْلَمُ مَا أَظْهَرَهُ الْعَبْدُ وَمَا أَخْفَاهُ، الْمُتَكَفِّلُ بِأَرْزَاقِ عِبَادِهِ فَلاَ يَتْرُكُ أَحَدًا مِنْهُمْ وَلاَيَنْسَاهُ، أَحْمَدُهُ سُبْحَانَهُ وَتَعَالَى عَلَى مَاأَعْطَاهُ. أَشْهَدُ أَنْ لآ إِلٰهَ إِلاَّ اللهُ وَحْدَهُ لاَشَرِيْكَ لَهُ شَهَادَةَ عَبْدٍ لَمْ يَخْشَ إِلاَّ اللهَ، وَأَشْهَدُ أَنَّ سَيِّدَنَا مُحَمَّدًا عَبْدُهُ وَرَسُوْلُهُ الَّذِي اخْتَارَهُ اللهُ وَاصْطَفَاهُ. اللّٰهُمَّ صَلِّ وَسَلِّمْ عَلَى سَيِّدِنَا مُحَمَّدٍ، وَعَلَى اٰلِهِ وَصَحْبِهِ وَمَنْ وَالاَهُ

 أَيُّهَا النَّاسُ، اِتَّقُوا اللهَ ، وَتَفَكَّرُوْا فِي نِعَمِ رَبِّكٌمْ وَاشْكُرُوْهُ، وَاذْكُرُوا آلَاءَ اللهِ وَتَحَدَّثُوا بِفَضْلِهِ وَلَا تَكْفُرُوْهُ، قَالَ اللهُ تَعَالَى فِي الْقُرْآنِ الْعَظِيْمِ وَهُوَ أَصْدَقُ الْقَائِلِيْنَ، أَعُوْذُ بِاللهِ مِنَ الشَّيْطَانِ الرَّجِيْمِ، بِسْمِ اللّٰهِ الرَّحْمٰنِ الرَّحِيْمِ ﴿ يَوْمَ لَا يَنْفَعُ مَالٌ وَلَا بَنُونَ ، إِلَّا مَنْ أَتَى اللَّهَ بِقَلْبٍ سَلِيمٍ ﴾، وَقَالَ: ﴿ فِي قُلُوبِهِمْ مَرَضٌ فَزَادَهُمُ اللَّهُ مَرَضًا وَلَهُمْ عَذَابٌ أَلِيمٌ بِمَا كَانُوا يَكْذِبُونَ﴾ صَدَقَ اللهُ الْعَظِيْمِ وَصَدَقَ رَسُوْلُهُ الْحَبِيْبُ الْكَرِيْمُ وَنَحْنُ عَلَى ذَلِكَ مِنَ الشَّاهِدِيْنَ وَالشّاكِرِيْنَ وَالْحَمْدُ للهِ رَبِّ الْعَالَمِيْنَ، أَمَّا بَعْدُ

Hadirin sidang jumah rohimakumulloh 
Teu aya kalimat anu pang sae-saena anu kedah dikedalkeun ku urang sadayana di danget ieu anging Alhamdulillah. Puji syukur ka Alloh Robbun Gofur. Dzat anu maha nyiptakeun sareng maha ngatur sadayana alam. Dzat anu teu weleh-weleh maparin ni’mat ka urang dugika waktos ieu pisan, terutami ni’mat taufiq sareng hidayah. Sahingga urang tiasa kempel di tempat anu mulya ieu dina raraga turut tumut kana salah sawios parentah-Na nyaeta solat jumah berjamaah.

Sholawat sareng anu utama mugia tetep dilimpahkeun ka panutan alam, yakne Kangjeng Nabi Muhammad saw. anu diutus janten rohmat ka sadayana alam. Sholawat sareng salam oge mugia dilimpahkeun ka para sahabatna, para tabiin, sareng para tabi tabiin, dugika urang sadayana anu ngarep-ngarep syafaatna di yaomil jaza.

Hadirin sadayana
Sateu acan ngalajengkeun ieu khutbah, sakumaha biasa, khotib bade wasiat khusus ka diri pribadi, umum ka sadayana sidang jumah, hayu urang sami-sami ningkatkeun kaimanan sareng katakwaan, wireh takwa mangrupakeun pang sae-saena bekel lumampah mayunan kahirupan dunya sareng akherat. Takwa nu janten benteng urang sadayana dina raraga ngajalankeun paranteh Alloh sareng nebihan sagala rupi panyegah-Na. Mugia urang sing diwuwuh taufik sareng hidayah ku Alloh swt. dina sagala laku lampah urang sadayana.

Hadirin anu imulyakeun ku Alloh 
Sakumaha anu kauninga, hate jalma teh kadang sehat, gering, kadang mah  paeh. Parahna deui, gering jeung paehna hate teu kanyahoan ku nu bogana. Eta akibat nu boga hate teu apal tanda-tanda sehat, gering jeung paehna hate. Maka hal eta, urang sadayana kedah terang kumaha ciri-ciri nalika hate sehat, gering jeung paeh?

Sateu acan kana ciri masing-masing, urang tingal heula dalil-dalil Al-Quran anu nunjukkan rupa-rupa kaayaan hate tadi.

Sehatna hate ditunjukkeun ku ayat di handap ieu:

يَوْمَ لَا يَنْفَعُ مَالٌ وَلَا بَنُونَ ، إِلَّا مَنْ أَتَى اللَّهَ بِقَلْبٍ سَلِيمٍ

Hartosna, “(Nyaeta) dina poe dimana harta jeung anak-anak lalaki teu aya gunana, kacuali jalma-jalma anu mayun ka Alloh kalayan nyandak hate anu sehat (bersih),” (QS. Asy-Syu‘aro [26]: 88-89).

Salajengna, geringna hate digambarkeun dina Al-Quran ngalangkungan ayat di handap ieu:

فِي قُلُوبِهِمْ مَرَضٌ فَزَادَهُمُ اللَّهُ مَرَضًا وَلَهُمْ عَذَابٌ أَلِيمٌ بِمَا كَانُوا يَكْذِبُونَ

Hartosna, “Dina hate maranehna aya panyakit, teras ditambah ku Allah panyakitna; jeung keur maranehna siksa anu beurat, disababkan maranehna ngabohong,” (QS. Al-Baqaroh [2]: 10).

Terakhir, kaayaan hate anu paeh digambarkeun dina Al-Quran ngalangkungan ayat di handap ieu:

 خَتَمَ اللَّهُ عَلَى قُلُوبِهِمْ وَعَلَى سَمْعِهِمْ وَعَلَى أَبْصَارِهِمْ غِشَاوَةٌ وَلَهُمْ عَذَابٌ عَظِيمٌ

Hartosna, “Allah parantos ngonci-mati hate maranehna, jeung pengreungeu maranehna, oge paningali maranehna ditutup. Jeung keur maranehna siksaan  anu kaliwat beratna,” (QS. Al-Baqarah [2]: 7).

Hadirin anu mulya 
Kedah kauninga ku sadayana, hate anu gering moal ngaraoskeun peurihna kamaksiatan, moal ngarasakeun nyerina kabodoan, oge moal ngarasakeun batalna akidah.

Sanes kanten ti eta, hate anu gering kacida antina kana paitna obat. Naon ari obatna hate anu gering? Obatna hate anu gering teh nyaeta nasehat, dzikir ka Alloh, ngaos Al-Quran, nyeueurkeun solat wengi, sareng seueur bergaul jeung jalmi-jalmi anu soleh. Hanjakal, hate anu gering mah teu hoyongeun caket jeung obat-obat nu tadi. Tibatan hayang cageur, leuwih tahan sasarengan jeung panyakit sanajan eta panyakit teh mingkin ngaruksak kana dirina.

Sabalikna, ari hate anu sehat mah bakal ngarasakeun nyerina perkara-perkara tercela anu datang ka manehna. Hate anu sehat mah bakal ngarasakeun peurihna kabodoan jeung bakal nganyahokeun panyakit-panyakit anu nyerang kana akidahna. Ku hal sakitu, hate anu sehat mah bakal gampang narima kana obat sareng bakal berusaha nyingkirkeun panyakit-panyakit anu eunteup dina dirina.

Saterasna, di antara tanda-tanda hate anu gering teh nyaeta malengos tina kadaharan anu halal sareng maslahat kana kadaharan anu teu halal sareng ngabahayakeun, malengos tina obat anu matak nyehatkeun kana perkara anu matak nambahan panyakit. Sabalikna, hate anu sehat mah nyaeta hate anu mentingkeun obat anu matak nyehatkeun sanajan pait daripada bertahan dina peurihna panyakit. Saenya-enyana pang hade-hadena kadaharan eukeur hate nyaeta kaimanan, oge pang hade-hadena obat eukeur hate nyaeta Al-Quran.

Tanda hate anu sehat salajengna nyaeta bergerak ninggalkeun alam dunya menuju alam akherat. Sanajan masih kumelenang di alam dunya, hate anu sehat mah bisa nempatkeun diri salaku ahli jeung pejuang akherat. Sanajan masih di dunya, anjeuna saperti terasing. Nyandak hancengan dunya sakadar nyukupi kabutuhan, sanes ngayonkeun nafsu jeung kahayang, teras ngarahkeun tujuannana keur ngahontal kabagjaan anu lana di negeri kaabadian. Hal ieu sakumaha pidawuh Kangjeng Rosul dina hadisna, sawaktos nyepeng salah sawios anggahota badanna:

 
يَا عَبْدَ اللَّهِ كُنْ فِي الدُّنْيَا كَأَنَّكَ غَرِيبٌ أَوْ عَابِرُ سَبِيلٍ، وَاعْدُدْ نَفْسَكَ مَعَ الْمَوْتَى

Hartosna, “He hamba Alloh, di dunya teh ieu anjeun kudu jadi  jalma asing atawa jadi jalma anu ngaliwat perjalanan. Satuluyna anjeun persiapkeun diri nyanghareupan kamatian,” (HR. Ahmad).

Benten deui sareng hate anu gering. Hate anu gering mah salawasna mentingkeun haliah dunya. Nuturkeun hawa nafsu sareng poho piakherateun. Akibat poho ka alam akehrat, tingkah manehna saolah-oleh rek hirup di dunya salilana.

Benten pisan sareng hate anu sehat. Anjeuna sadar yen kahirupan dunya mah ukur permainan sareng kaheureuyan, sementawis kahirupan akherat eta kahirupan aku leuwih alus keur jalma anu tarakwa, sakumaha anu diuningakeun dina Al-Quran:

وَمَا الْحَياةُ الدُّنْيا إِلاَّ لَعِبٌ وَلَهْوٌ وَلَلدَّارُ الْآخِرَةُ خَيْرٌ لِلَّذِينَ يَتَّقُونَ أَفَلا تَعْقِلُونَ

Hartosna, “Teu pati-pati kahirupan dunya kacuali permainan sareng kaheureuyan, sementara kahirupan akherat eta leuwih alus keur jalma anu takwa. Naha anjeun teu berpikir?” (QS. Al-Anam [6]:33).

Salajengna, hate anu sehat mah salawasna emut kanu Kagungan, dugika waktosna mulang ka Alloh swt, salamina tawadhu di payuneun-Nana, gumantung ka Anjeunna, saperti gumantungna hiji jalma ka kabogohna. Alhasil, hate anu sehat mah jauh tina sifat sombong jeung takabur. Malahan, ku sifat gumantung ka Alloh nu aya dina dirina, manehna ngarasa teu perlu mika cinta anu sejen, teu perlu merhatikeun kana dunya, da dunya mah ibarat jalan eukeur meuntas, lain keur dijadikeun tujuan. Sakalipun manehna kudu mikacinta dunya, maka mika cintana pasti karena Alloh, lain karena nafsu.

Tanda hate sehat saterasna nyaeta nalika ngaliwatan hiji kahadean atawa hiji kataatan, anjeuna bakal hanjakal leuwih ti hanjakal ku sabab kaleungitan harta banda.

Hate anu sehat mah salawasna bakal migandrung kahadean jeung kamulyaan akherat layakna jalma lapar anu migandrung kadaharan jeung minuman. Anjeuna ngarasa bungah nalika tiasa ibadah sareng kumaula ka Alloh. Sahingga naon wae anu datang ti Mantenna, bakal ditarima kalayan karidoan sareng kaikhlasan.

Kaitan sareng hal ieu, Yahya bin Mu’adz pernah sasauran, “Jalma anu resep kumaula ka Alloh, maka naon wae sareng saha wae bakak resep kumaula ka dirina. Jalma anu resep hatena ka Alloh, maka sagala rupa bakal resep ningal ka manehna.”

Salian ti eta, perhatian hate anu sehat ukur hiji, nyaeta Alloh dina kataatan. Sieun keleungitan waktu sasarengan jeung Alloh. Anjeuna sieun waktuna kabuang sia-sia. Sabab, jalma nu sok nyia-nyiakeun waktu teh kaasup jalma anu rugi, sakumaha dina surah al-Ashr:

وَالْعَصْرِ ، إِنَّ الْإِنْسَانَ لَفِي خُسْرٍ ، إِلَّا الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ

Hartosnna, “Demi waktu, saenya-enyana manusa eta aya dina karugian, kecuali jalma-jalma anu iman, migawe amal soleh, sareng silih wasiatan dina hak sareng dina kasobaran,” Al-Ashr [103]: 1-3).

Nalika datang waktu solat, hate anu sehat mah perhatiannana leupas tina haliah dunya, sabab hayang asup ka jero katenangan, kani’matan, sareng kakhusyuan. Anjeuna teu pernah laley tina dzikir ka Alloh, teu pernah bosen kumaula ka Alloh, teu pernah lesot nyobat sareng Alloh, teu pernah nyobat kecuali jeung jalma anu tiasa nunjukkeun sareng ngelingan dirina ka Alloh.

Perhatiannana museur kana ngomean amal sareng midamel amal anu pang sae-saena. Saatosna kitu, anjeuna nyusul eta amal ku kaikhlasan sareng kapasrahan ka Alloh swt. Teu pernah kagok nyuhunkeun nasehat ka ahli nasehat. Teu pernah leupas ningal sagala rupi nu ditampina salaku karunia sareng rezeki Alloh, sementara ningal dirina pinuh ku kakurangan sareng kalaleyan dina nyumponan hak-hak Alloh. Anjeuna masrahkeun sadaya amal sabari pinuh ku kasadaran yen diri teu aya daya tur kakiatan anging pitulung Alloh.

Anapon anu matak ngaruksak kana hate, pang saalitna aya opat perkara: kahiji seueur ngawangkongkeun perkara anu teu aya maknana, kadua seueur ningal perkara anu teu guna, katilu seueur barang dahar sanajan anu didaharna kadaharan anu halal, kaopat seueur bergaul sareng jalmi-jalmi anu jauh jeung Pangeranna.

Terakhir, hate anu paeh sakumaha dicirian ku Al-Quran nyaeta hate jalma-jalma anu kufur. Teu ngaku Alloh salaku pangeran. Sumawona lamun taat lamun daek nauhidkeun.

Ari perkara anu matak nyehatkeun jeung ngahirupkeun hate, sakumaha anu parantos didugikeun di luhur nyaeta seueur ngaos Al-Quan, dzikir ka Alloh, ngadoa, ngaos sholawat, seueur istigfar, midamel solat wengi, reureujeungan sareng jalmi soleh, sareng sajabina.

Mudah-mudahan urang sadayana dipaparin hate anu sehat, sareng bersih tina sagala rupi sifat anu tercela, terutami kayakinan anu goreng ka Alloh. Langkung jelasna tiasa ditingal kitab Tazkiyatun Nafsi kagungan Syekh Ahmad Farid, halaman 21 dugika 46.

بَارَكَ اللهُ لِيْ وَلَكُمْ فِي الْقُرْآنِ الْعَظِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ اْلآيَاتِ وَالذِّكْرِ الْحَكِيْمِ، وَتَقَبَلَّ اللهُ مِنِّيْ وَمِنْكُمْ تِلاَوَتَهُ، إِنَّهُ هُوَ السَّمِيْعُ الْعَلِيْمُ، أَقُوْلُ قَوْلِيْ هَذَا وَأَسْتَغْفِرُ اللهَ الْعَظِيْمَ لِيْ وَلَكُمْ وَلِسَائِرِ الْمُسْلِمِيْنَ وَالْمُسْلِمَاتِ فَاسْتَغْفِرُوْهُ إِنّهُ هُوَ الْغَفُوْرُ الرّحِيْمِ

Khutbah II

اَلْحَمْدُ لِلَّهِ الَّذِيْ أَمَرَنَا بِاْلاِتِّحَادِ وَاْلاِعْتِصَامِ بِحَبْلِ اللهِ الْمَتِيْنِ. أَشْهَدُ أَنْ لاَ إِلَهَ إِلاَّ اللهُ وَحْدَهُ لاَشَرِيْكَ لَهُ، إِيَّاهُ نَعْبُدُ وَإِيَّاُه نَسْتَعِيْنُ. وَأَشْهَدُ أَنَّ مُحَمَّدًا عَبْدُهُ وَرَسُوْلُهُ، اَلْمَبْعُوْثُ رَحْمَةً لِلْعَالَمِيْنَ. اَللَّهُمَّ صَلِّ عَلَى سَيِّدِنَا مُحَمَّدٍ وَعَلَى آلِهِ وَأَصْحَابِهِ أَجْمَعِيْنَ. اِتَّقُوا اللهَ مَا اسْتَطَعْتُمْ وَسَارِعُوْا إِلَى مَغْفِرَةِ رَبِّ الْعَالَمِيْنَ. إِنَّ اللهَ وَمَلاَئِكَتَهُ يُصَلُّوْنَ عَلَى النَّبِيِّ، يَاأَيُّهاَ الَّذِيْنَ ءَامَنُوْا صَلُّوْا عَلَيْهِ وَسَلِّمُوْا تَسْلِيْمًا .. وَصَلَّى الله عَلَى سَيِّدَنَا وَمَوْلَانَا مُحَمَّدٍ وَعَلَى آلِهِ وَصَحْبِهِ وَسَلَّمَ

اَللَّهُمَّ اغْفِرْ لِلْمُؤْمِنِيْنَ وَالْمُؤْمِنَاتِوَالْمُسْلِمِيْنَ وَ الْمُسْلِمَاتِ اَلاَحْيَاءِ مِنْهُمْ وَالْاَمْوَاتْ إِنَّكَ سَمِيْعٌ قَرِيْبٌ مُجِيْبُ الدَّعَوَاتِ وَيَا قَاضِيَ الْحَاجَاتِ بِرَحْمَتِكَ يَا اَرْحَمَ الرَّحِمِيْنَ.  اللَّهُمَّ إِنَّا نَعُوذُ بِكَ مِنْ عَذَابِ جَهَنَّمَ وَنَعُوذُ بِكَ مِنْ عَذَابِ الْقَبْرِ وَنَعُوذُ بِكَ مِنْ فِتْنَةِ الْمَسِيحِ الدَّجَّالِ وَنَعُوذُ بِكَ مِنْ فِتْنَةِ الْمَحْيَا وَالْمَمَاتِ، اللَّهُمَّ إِنَّا نَعُوذُ بِكَ مِنْ الْهَمِّ وَالْحَزَنِ وَنَعُوذُ بِكَ مِنْ الْعَجْزِ وَالْكَسَلِ وَ نَعُوذُ بِكَ مِنْ الْجُبْنِ وَالْبُخْلِ وَنَعُوذُ بِكَ مِنْ غَلَبَةِ الدَّيْنِ وَقَهْرِ الرِّجَالِ ، رَبَّنَا آتِنَا فِي الدُّنْيَا حَسَنَةً وَفِي الآخِرَةِ حَسَنَةً وَقِنَا عَذَابَ النَّارِ

عِبَادَ اللهِ، إِنَّ اللهَ يَأْمُرُكُمْ بِالْعَدْلِ وَاْلإِحْسَانِ وَإِيتَآئِ ذِي الْقُرْبَى وَيَنْهَى عَنِ الْفَحْشَآءِ وَالْمُنكَرِ وَالْبَغْيِ يَعِظُكُمْ لَعَلَّكُمْ تَذَكَّرُوْنَ. فَاذْكُرُوا اللهَ الْعَظِيْمَ يَذْكُرْكُمْ وَادْعُوْهُ يَسْتَجِبْ لَكُمْ وَلَذِكْرُ اللهِ أَكْبَرُ

Ustadz M Tatam Wijaya, Penyuluh dan Petugas KUA Sukanagara-Cianjur, Jawa Barat.