Khutbah Jumat Bahasa Minang: Istiqamah dalam Baibadah 

Materi khutbah Jumat ini menjelaskan tentang istiqamah sebagai wujud konsistensi seorang hamba dalam beribadah kepada Allah Swt. Ibadah yang sedikit namun dengan cara istiqamah atau konsisten lebih Allah sukai dari pada ibadah yang banyak namun tidak istiqamah. Sebab istiqamah lebih mulia dari seribu karamah.

Teks khutbah Jumat berikut ini mengajak kepada para jamaah untuk menjadi hamba yang istiqamah dalam menjalankan ibadah kepada Allah Swt. Adapun judul khutbah adalah “Khutbah Jumat Bahasa Minang: Istiqamah dalam Baibadah”. Untuk mencetak naskah khutbah Jumat ini, silakan klik ikon print berwarna merah di atas atau bawah artikel ini (pada tampilan desktop). Semoga bermanfaat.

Khutbah I 

اَلْحَمْدُ لِلهِ وَاسِعِ الْفَضْلِ وَالْاِحْسَانِ، وَمُضَاعِفِ الْحَسَنَاتِ لِذَوِي الْاِيْمَانِ وَالْاِحْسَانِ، اَلْغَنِيِّ الَّذِيْ لَمِ تَزَلْ سَحَائِبُ جُوْدِهِ تَسِحُّ الْخَيْرَاتِ كُلَّ وَقْتٍ وَأَوَانٍ، العَلِيْمِ الَّذِيْ لَايَخْفَى عَلَيْهِ خَوَاطِرُ الْجَنَانِ، اَلْحَيِّ الْقَيُّوْمِ الَّذِيْ لَاتَغِيْضُ نَفَقَاتُهُ بِمَرِّ الدُّهُوْرِ وَالْأَزْمَانِ، اَلْكَرِيْمِ الَّذِيْ تَأَذَّنَ بِالْمَزِيْدِ لِذَوِي الشُّكْرَانِ. أَحْمَدُهُ حُمْدًا يَفُوْقُ الْعَدَّ وَالْحُسْبَانِ، وَأَشْكُرُهُ شُكْرًا نَنَالُ بِهِ مِنْهُ مَوَاهِبَ الرِّضْوَانِ  
أَشْهَدُ أَن لاَّ إِلَهَ إِلاَّ الله وَحْدَهُ لَا شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ اللّٰهُمَّ صَلِّ وَسَلِّمْ عَلَى سَيِّدِنَا مُحَمَّدٍ، وَعَلَى أٰلِهِ وَصَحْبِهِ وَمَنْ وَالاَهُ أَمَّابَعْدُ؛
 

 فَيَآ أَيُّهَا النَّاسُ، اتَّقُوا اللهَ حَقَّ تَقْوَاهُ كَمَا قَالَ تَعَالَى: يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ.
قَالَ اللهُ تَعَالَى فِي كِتَابِهِ الْكَرِيْمِ، أَعُوْذُ بِاللهِ مِنَ الشَّيْطَانِ الرَّجِيْمِ، بِسْمِ اللهِ الرَّحْمَنِ الرَّحِيْمِ إِنَّ ٱلَّذِینَ قَالُوا۟ رَبُّنَا ٱللَّهُ ثُمَّ ٱسۡتَقَـٰمُوا۟ تَتَنَزَّلُ عَلَیۡهِمُ ٱلۡمَلَـٰۤىِٕكَةُ أَلَّا تَخَافُوا۟ وَلَا تَحۡزَنُوا۟ وَأَبۡشِرُوا۟ بِٱلۡجَنَّةِ ٱلَّتِی كُنتُمۡ تُوعَدُونَ. صَدَقَ اللهُ الْعَظِيْمِ

Kaum muslimin wal muslimat sidang jamaah Jumaik nan dimuliakan dek Allah SWT

Awal kalam bamulo kato, tiado kato nan patuik taucap di lisan kito, tiado syair nan labiah indah untuak kito dendangkan, malainkan mamuji dan mamuja Allah SWT. Kareno barakaik rahmat jo karunia Baliau, kito bisa malakukan aktivitas sahari-sahari. Ado nan ka parak, ado nan manggaleh dan ado pulo nan karajo di kantua. 

Namun Allah agiah nikmaik lain kapado kito basamo, yaitu nikmaik kaimanan, sahinggo tagarak hati kito untuak mamanuahi panggilan Alllah untuak manunaikan ibadah Jumaik sacaro bajamaah. Tantangan  pado itu kaum muslimin, marilah kito basamo-samo basyukur mangucapkan alhamdulillahirabbil’alamiin, sagalo puji hanyo untuak Allah SWT.

Kamudian dari pado itu kaum muslimin, shalawaik barangkaikan salam, marilah sanantiaso kito basalawaik kapado junjungan alam, yaitu Nabi Muhammad SAW. Allaahumma shalli ‘alaa sayyidina Muhammad wa ‘ala aali sayyidinaa Muhammad. Kito samo-samo baharap dangan salawaik nan salalu mambasahi lidah jo bibia kito, mudah-mudahan kito dinobaikkan sabagai umaik nan barhak mandapek syafaat baliau di yaumil qiyamah nanti.

Kaum muslimin, khatib indak akan bosan-bosan mangajak kaum muslimin dan kaum muslimat, tarutamo kapado diri khatib pribadi, untuak sanantiaso maningkekkan katakwaan kito kapado Allah SWT. Yaitu dengan caro mangarajokan sagalo parintah dari Allah SWT dan maninggalkan sagalo bantuak larangan Baliau. 

Kaum muslimin wal muslimat sidang jamaah Jumaik nan dimuliakan dek Allah SWT

Dalam manunaikan ibadah kapado Allah Swt, di sampiang dituntuik untuak ikhlas, kito juo disuruah supayo istiqamah. Istiqamah sacaro bahaso artinyo adalah tagak luruih. Samantaro manuruik istilah bisa kito ambiak mukasuiknyo dalam firman Allah Swt dalam surek Hud ayaik 112 nan babunyi:

فَاسْتَقِمْ كَمَآ اُمِرْتَ وَمَنْ تَابَ مَعَكَ وَلَا تَطْغَوْاۗ اِنَّهٗ بِمَا تَعْمَلُوْنَ بَصِيْرٌ

Maknanyo: “Mako tataplah (istiqamahlah) kalian pado jalan nan bana, sabagaimano nan alah diparintahkan kapado kalian, dan mantun pulo urang nan alah batobaik basarato kalian dan jan lah kalian malampaui bateh. Sasungguahnyo Baliau Maha Maliek apo nan kalian karajoan.” (QS Hud:112)

Jadi mukasuik dari istiqamah tu adalah mangikuti jalan nan luruih sarato mangarajokan kataatan dan manjauahi pakaro maksiaik. Artinyo, urang nan istiqamah akan salalu taruih manaruih mangarajokan parintah Allah dan manjauahi larangan Baliau. Sabagai contoh urang nan istiqamah sumbayang rawatib misalnyo. Mako urang tu akan sanantiaso mangarajokan sumbayaang rawatib ko walaupun nyo sibuk jo pakaro dunia.

Urang nan istiqamah sangaik mulia di sisi Allah Swt. Walaupun amal nan nyo karajoan saketek, tapi kalau nyo lai namuah istiqamah mangarajokan amal tu, mako itu akan baharago di sisi Allah. Apolagi urang nan banyak malakukan amal saliah, lalu nyo istiqamah mangarajokan nyo, mako tantu iko labiah baiak kaum muslimin. 

Dulu ado sahabaik parnah batanyo kapado Rasulullah Saw, “Wahai Rasulullah, sampaikan lah kapado ambo tantang Islam, sabuah pituah sahinggo ambo indak paralu batanyo lai kapado urang lain sasudah ko.” Rasulullah manjawab:

قُلْ آمَنْتُ بِاللهِ ثُمَّ اسْتَقِمْ (رواه مسلم)

Maknanyo: “Katokanlah: ambo bariman kapado Allah, kamudian istiqamahlah.” (HR Muslim)

Kaum muslimin sidang jamaah Jumaik nan dimuliakan Allah Swt.

Akhia-akhia ko kito banyak sakali mancaliak urang nan samangaik mangamalkan banyak zikia jo doa, nan tujuan nyo adolah untuak mandapekkan karamaik atau kalabiahan dari Allah Swt. Namun, urang-urang tu indak namuah istiqamah dalam ciek amalan, taruih bapindah-pindah. Hal iko marupokan sabuah kakaliruan. Sabab, istiqamah dalam baramal itu pado dasarnyo labiah baiak dari ribuan karamah nan dibarikan Allah Swt. Indak sado urang bisa manunaikan ibadah sacaro istiqamah. Sahinggo urang-urang piliahan Allah lah nan bisa malakukan nyo.

Papatah arab mangatokan:

اَلْإِسْـتِقَـامَةِ خَيْرٌ مِـنْ اَلْفِ كَــرَامَةٍ # ثُبُــوْتُ الْكـَـرَامَةِ بـِدَوَامِ الْإِسْـتِقـَـامَةِ

Maknanyo: “Istiqamah labiah baiak dari saribu karamah # Adonyo karamah dek sanantiasonyo istiqamah.”

Dari siko bisa kito ambiak palajaran kaum muslimin, bahwasonyo istiqamah itu labiah gadang kautamaannyo dari karamah. Mako dari pado hati jo pangana kito sibuk jo mancari kamaraik, labiah rancak kito mandidik diri kito supayo istiqamah dalam mangarajokan amal ibadah kapado Allah Swt. 

Kaum muslimin sidang jamah Jumaik nan dimuliakan Allah Swt.

Urang nan istiqamah dalam baibadah indak akan marasokan putuih aso katiko jatuah dalam maksiaik. Walaupun suatu katiko urang tu ndak bisa manahan diri dari malakukan maksiak, tapi nyo akan salalu tatap istiqamah mangarajokan ibadah. Karno urang istiqamah mampunyoi raso sangko baiak kapado Allah Swt. Mereka basangko baiak kapado Allah bahwasonyo bisa jadi itu manjadi maksiaik tarakhir nan nyo karajoan. Hal iko dijalehkan dek Imam Ibnu ‘Athaillah as-Sakandari sabagai barikuik:

إِذَا وَقَعَ مِنْكَ ذَنْبٌ فَلَا يَكُنْ سَبَبًا لِيَأْسِكَ مِنْ حُصُوْلِ الْاسْتِـقَامَةِ مَعَ رَبِّكَ فَقَدْ يَكُوْنُ ذٰلِكَ آخِرَذَنْبٍ قُدِّرَ عَلَيْكَ

Maknanyo: “Jikok kalian talanjut malakukan doso, mako jan sampai manyababkan kalian putuih aso untuak mandapekkan istiqomah manghadok Tuhan kalian, sabab bisa jadi doso nan kalian karajokan tu manjadi doso tarakhir nan lah ditakadiakan untuak kalian.”

Kalam Imam Ibnu ‘Athaillah ko, mangajakan kito agar indak putuih aso untuak manjadi urang nan istiqamah baibadah. Memang kito indak bisa manjamin diri kito untuak indak jatuah ka maksiaik. Sakuaik apopun kito batekaik kini untuak indak ka babuek doso, itu alun tantu bisa manjamin kito tajauah dari doso. Namun, kalau kito tagaliciak baliak dalam doso, mako jan sampai itu jadi alasan kito untuk mangarajokan doso taruih manaruih. Jatuah biaso, tugas kito bangkik baliak sasudah jatuah tu. 

Kaum muslimin sidang jamaah Jumaik nan dimuliakan dek Allah SWT

Urang nan mamiliki sipaik istiqamah, mako urang itu samo sakali indak akan maraso takuik jo sadiah katiko mahadapi kamatian. Hal iko sabagaimano dijalehkan dek Allah Swt dalam surek Fushshilat ayaik 30 nan babunyi:

إِنَّ ٱلَّذِینَ قَالُوا۟ رَبُّنَا ٱللَّهُ ثُمَّ ٱسۡتَقَـٰمُوا۟ تَتَنَزَّلُ عَلَیۡهِمُ ٱلۡمَلَـٰۤىِٕكَةُ أَلَّا تَخَافُوا۟ وَلَا تَحۡزَنُوا۟ وَأَبۡشِرُوا۟ بِٱلۡجَنَّةِ ٱلَّتِی كُنتُمۡ تُوعَدُونَ

Maknanyo: “Sasungguahnyo urang nan bakato, ‘Tuhan kami adolah Allah’, kamudian mereka istiqamah, mako para malaikaik turun untuak mereka sarayo bakato, ‘ Jan lah kalian maraso takuik dan jan lah kalian baibo ati ; dan baruntuanglah kalian jo (mandapekkan) sarugo nan alah dijanjikan.”

Ayaik iko manjalehkan tantang janji Allah Swt kapado urang nan istiqamah dalam iduik nyo, yaitu barupo kabahagiaan dan sarugo. Imam at-Thabari dalam tafsirnyo manjalehkan bahwasonyo ayaik ko manjaelhkan bahwasonyo urang nan istiqamah indak akan maraso takuik jo ibo ati katiko mahadok i iduik sasudah kamatian, dan mantun pulo mereka indak akan cameh katiko manjawek tanyo dari malaikaik di dalam kubua.

Disampiang itu kaum muslimin, para sahabaik Nabi Saw babeda pandapek dalam manafsirkan makna istiqamah di siko. Silang pandapek antaro sahabaik ko kamudian dijadikan sabagai pambagian dari istiqamah dek para ulama. Hal iko sabagaimano dijalehkan dek Syekh Ibnu ‘Asyur dalam tafsirnyo at-Tahrir wa at-Tanwir sabagai barikuik:

1. Manuruik Sayyidina Abu Bakr istiqamah nan dimakasuik dalam ayaik ko adolah istiqamah di dalam mantauhidkan Allah Swt. Artinyo mayakini Allah sabagai Zat nan patuik disambah nan indak ado tandingan bagi Baliau
2. Manuruik Sayyidina Umar bin Khattab istiqamah nan ado di ayaik ko adolah istiqamah dalam manjalani kataatan kapado Allah Swt. Artinyo urang nan istiqamah itu akan salalu manjago dirinyo untuak sanantiaso baibadah dan ba amal shaleh satiok wukatu
3. Manuruik Sayyidina Usman bin Affan istiqamah nan dimukasuik disiko adolah istiqamah dalam ikhlas baramal hanyo karno Allah Swt. Artinyo urang nan istiqamah akan salalu baibadah samato-mato maharok ridho dari Allah Swt, indak maharok pujian dan sanjuangan dari urang lain.
4. Dan manuruik Sayyidina Ali bin Abi Thalib istiqamah disiko artinyo istiqamah dalam manunaikan ibadah-ibadah nan fardhu. Mode sumbayang, puaso, zakaik dan ibadah-ibadah fardhu lainnyo.

Kaum muslimin sidang jamaah Jumaik nan dimuliakan Allah Swt.

Marilah kito basamo-samo manjadi hamba nan istiqamah dalam manjalani ibadah kapado Allah Swt. Sabab, banyak bana mode amal ibadah nan kito karajokan di ateh dunia ko itu indak ado artinyo kalau kito indak istiqamah dalam mangarajokannyo. Labiah rancak kito manunaikan ibadah ciek atau duo, misalnyo nan fardhu-fardhu sajo tapi kito mangarajokannyo taruih manaruih dan indak putuih-putuih. Apolagi kalau kito bisa mangarajokan sado ibadah nan dibabankan kapado kito sacaro istiqamah ka sado alahnyo.

Damikianlah khutbah kito pado saat kini, mudah-mudahan iko bisa manjadi bahan ranuangan dek kito basamo. Mudah-mudahan kito bisa maningkekkan amal ibadah dan ketakwaan kito di siso-siso umua kito nan tingga. Aamiin Yaa Rabbal ‘aalamiin.

بَارَكَ اللهُ لِي وَلَكُمْ فِي الْقُرْآنِ الْعَظِيْمِ وَنَفَعَنِي وَاِيِّاكُمْ بما فيه مِنَ الآيَاتِ وَالذِّكْرِ الْحَكِيْمِ. وَتَقَبَّلْ مِنِّيْ وَمِنْكُمْ تِلاوَتَهُ اِنّهُ هُوَ السَّمِيْعُ اْلعَلِيْمُ.. فَاسْتَغْفِرُوْا اِنَّهُ هُوَ اْلغَفُوْرُ الرَّحِيْمُ

Khutbah II 

اَلْحَمْدُ للهِ عَلىَ إِحْسَانِهِ وَالشُّكْرُ لَهُ عَلىَ تَوْفِيْقِهِ وَاِمْتِنَانِهِ. وَأَشْهَدُ أَنْ لاَ اِلَهَ إِلاَّ اللهُ وَاللهُ وَحْدَهُ لاَ شَرِيْكَ لَهُ وَأَشْهَدُ أنَّ سَيِّدَنَا مُحَمَّدًا عَبْدُهُ وَرَسُوْلُهُ الدَّاعِى إلىَ رِضْوَانِهِ. اللهُمَّ صَلِّ عَلَى سَيِّدِنَا مُحَمَّدٍ وِعَلَى اَلِهِ وَأَصْحَابِهِ وَسَلِّمْ تَسْلِيْمًا كِثيْرًا أَمَّا بَعْدُ. فَياَ اَيُّهَا النَّاسُ اِتَّقُوااللهَ فِيْمَا أَمَرَ وَانْتَهُوْا عَمَّا نَهَى وَاعْلَمُوْا أَنَّ اللهَ أَمَرَكُمْ بِأَمْرٍ بَدَأَ فِيْهِ بِنَفْسِهِ وَثَـنَى بِمَلآ ئِكَتِهِ بِقُدْسِهِ وَقَالَ تَعاَلَى إِنَّ اللهَ وَمَلآئِكَتَهُ يُصَلُّوْنَ عَلىَ النَّبِى يآ اَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا.
 

 اللهُمَّ صَلِّ عَلَى سَيِّدِنَا مُحَمَّدٍ صَلَّى اللهُ عَلَيْهِ وَسَلِّمْ وَعَلَى آلِ سَيِّدِناَ مُحَمَّدٍ وَعَلَى اَنْبِيآئِكَ وَرُسُلِكَ وَمَلآئِكَةِ اْلمُقَرَّبِيْنَ وَارْضَ اللّهُمَّ عَنِ اْلخُلَفَاءِ الرَّاشِدِيْنَ أَبِى بَكْرٍ وَعُمَر وَعُثْمَان وَعَلِى وَعَنْ بَقِيَّةِ الصَّحَابَةِ وَالتَّابِعِيْنَ وَتَابِعِي التَّابِعِيْنَ لَهُمْ بِاِحْسَانٍ اِلَى يَوْمِ الدِّيْنِ وَارْضَ عَنَّا مَعَهُمْ بِرَحْمَتِكَ يَا أَرْحَمَ الرَّاحِمِيْنَ .
 

 اَللهُمَّ اغْفِرْ لِلْمُؤْمِنِيْنَ وَاْلمُؤْمِنَاتِ وَاْلمُسْلِمِيْنَ وَاْلمُسْلِمَاتِ اَلاَحْيآءِ مِنْهُمْ وَاْلاَمْوَاتِ اللهُمَّ أَعِزَّ اْلإِسْلاَمَ وَاْلمُسْلِمِيْنَ وَأَذِلَّ الشِّرْكَ وَاْلمُشْرِكِيْنَ وَانْصُرْ عِبَادَكَ اْلمُوَحِّدِيّن وَانْصُرْ مَنْ نَصَرَ الدِّيْنَ وَاخْذُلْ مَنْ خَذَلَ اْلمُسْلِمِيْنَ وَ دَمِّرْ أَعْدَاءَ الدِّيْنِ وَأَعْلِ كَلِمَاتِكَ إِلَى يَوْمَ الدِّيْنِ. اللهُمَّ ادْفَعْ عَنَّا اْلبَلاَءَ وَاْلوَبَاءَ وَالزَّلاَزِلَ وَاْلمِحَنَ وَسُوْءَ اْلفِتَن وَاْلمِحَنَ مَا ظَهَرَ مِنْهَا وَمَا بَطَنَ عَنْ بَلَدِنَا اِنْدُونِيْسِيَّا خآصَّةً وَسَائِرِ اْلبُلْدَانِ اْلمُسْلِمِيْنَ عآمَّةً يَا رَبَّ اْلعَالَمِيْنَ. رَبَّنَا آتِناَ فِى الدُّنْيَا حَسَنَةً وَفِى اْلآخِرَةِ حَسَنَةً وَقِنَا عَذَابَ النَّارِ. رَبَّنَا ظَلَمْنَا اَنْفُسَنَا وَإنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ اْلخَاسِرِيْنَ.
 

 عِبَادَاللهِ ! إِنَّ اللهَ يَأْمُرُ بِاْلعَدْلِ وَاْلإِحْسَانِ وَإِيْتآءِ ذِي اْلقُرْبىَ وَيَنْهَى عَنِ اْلفَحْشآءِ وَاْلمُنْكَرِ وَاْلبَغْي يَعِظُكُمْ لَعَلَّكُمْ تَذَكَّرُوْنَ وَاذْكُرُوا اللهَ اْلعَظِيْمَ يَذْكُرْكُمْ وَاشْكُرُوْهُ عَلىَ نِعَمِهِ يَزِدْكُمْ وَلَذِكْرُ اللهِ أَكْبَرْ

Abdul Kamil, pegiat kajian hadits, tinggal di Ciputat